Leita í fréttum mbl.is

Bloggfærslur mánaðarins, mars 2009

Gæsilegt - nú vorum við heppin!!!

Niðurstaðan í varaformannskjörinu er glæsileg, nú tryggjum við öflugt samstarf sveitarstjórnarstigsins og þingsins við stjórn flokksins. Þetta er góður dagur!
mbl.is Dagur nýr varaformaður
Tilkynna um óviðeigandi tengingu við frétt

Fjölmennið á Rifi beygir fámennið í Bolungarvík

Ég sé í hendi mér hvernig Rif, sá stórstaður á Snæfellsnesi beygir ráðherra frá smábænum Bolungarvík. Ekki geng í nokkrar grafgötur með að þarna hefur mannfjöldinn á Rifi neytt síns mikla aflsmunar. Ekki skaðar svo að ekki er langt til hinnar fjölmennu stórborgar Ólafsvíkur á meðan frá Bolungarvík til smástaðarins Ísafjarðar er auðvitað miklu  miklu lengra.

Ég held að það sé alveg tímabært að hvetja svona stórbæi eins og Rif að taka tillit til fámennra staða í landinu. Vonandi hefur Hjalteyri það í huga svo við hérna á Akureyri verðum ekki svínbeygð.

Staðarpólitíkin er frekar ofmetin nema hjá þeim sem voru í pólitík fyrir hálfri öld, það er mín reynsla. Fólk kýs einfaldlega þá sem það vill fá í forystu og á þing. Það er ekki nóg að aka um með bæjarfánann.


mbl.is „Mun að sjálfsögðu taka þetta sæti“
Tilkynna um óviðeigandi tengingu við frétt

Borgað fyrir viðtöl???

Mér finnst vel gert hjá Dögg Pálsdóttur að birta sundurliðun á kostnaði vegna prófkjörs og þá sérstaklega að sjá að fjölmiðlar rukka viðmælendur sérstaklega fyrir viðtöl. Ég verð að segja eins og er að hér eftir gef ég ekki gramm fyrir viðtöl eða frásagnir á ÍNN og Útvarpi Sögu því ef menn geta borgað fyrir viðtal við sig, hlýtur að vera borgað fyrir spurningar og hvernig viðtalið á að vera. Þar með eru þetta auðvitað bara auglýsingar og hafa ekki annað gildi. Varla fara menn að hrella viðmælanda sem borgar sjálfur fyrir að láta tala við sig því þá væri nú frekar ólíklegt að menn borguðu aftur nema þeir væru haldnir sjálfspíningarhvöt.

 


mbl.is Prófkjörið kostaði 442 þúsund
Tilkynna um óviðeigandi tengingu við frétt

Höfundur

Lára Stefánsdóttir
Lára Stefánsdóttir

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband