Leita í fréttum mbl.is

Bloggfærslur mánaðarins, janúar 2009

Hvað svo?

Sigmundur Davíðsson hafði greinilega ekki umboð þingflokks fyrir tilboð sitt og þingflokkurinn hefur nú sýnt honum hver ræður. Nú eru þrjár leiðir í stöðunni:

I. Minnihlutastjórn undir stjórn Framsóknarflokksins án þess að hann beri ábyrgð með beinni þátttöku.

II. Framsóknarflokkur og Sjálfstæðisflokkur myndi ríkisstjórn sem fólk myndi e.t.v. sætta sig við ef þeir punta upp "sérfræðinga" í ráðherrastóla.

III. Rjúfa þing og boða til kosninga innan 45 daga.

Áttu menn að treysta tilboði Framsóknar? Var það ekki bara klókt útspil til að fella ríkisstjórnina, tilboð sem þeir ætluðu ekki að standa við?


mbl.is Ósætti um aðgerðirnar
Tilkynna um óviðeigandi tengingu við frétt

Æi

Ég verð að viðurkenna að örskotsstund var ég slegin blindu, bara sisvona eins og ég væri slegin út af laginu. Rétt eins og gerist í bíómyndum, menn fá höfuðhögg og sjá bara blóm, grasið grænt og fuglarnir sveima tístandi yfir. Litirnir glampa og einhvernvegin verður allt svo bjart. Svo rankar maður við sér, það er vetur, skítkalt, varla fugl að sjá, nema hrafn í ástarbríma með matarleifar í kjaftinum.


mbl.is Telur forsendur fyrir stjórn
Tilkynna um óviðeigandi tengingu við frétt

Framboð

Nú þarf að hafa hraðar hendur með að finna frambjóðendur og ekki síst finna út hverjir hafa áhuga á að bjóða sig fram og hverja Samfylkingin telur góða kandídata. Ég gerði upp strax á fyrsta fundi eftir síðustu kosningar og sagði frá því á fundi hér á Akureyri að ég ætlaði ekki að bjóða mig fram aftur. Í aðdraganda síðustu kosninga var ég búin að ákveða að breyta um viðfangsefni búin að vinna við tölvur með einum eða öðrum hætti í nær 30 ár. Því langaði mig að spreyta mig á þingstörfum og bauð mig fram en mitt B plan var að fara í meistaranám (MFA) í heimildaljósmyndun í Academy of Art University í San Francisco. Ég hóf námið strax í júní eftir kosningar og nýt námsins til hins ítrasta.

Ég ákvað að gerast blankur námsmaður en vera ekki í fullri vinnu með og klára námið hratt og örugglega svo í stað þess að útskrifast haustið 2010 eins og upphafleg áætlun skólans hljómaðiþá útskrifast ég nú í vor. Þessi breyting hefur verið frábær, námið hefur nýst mér vel. Því langar mig að halda áfram á þeirri braut. Nokkrir hafa rætt við mig um að endurskoða fyrri ákvörðun, ég hef gert það og komist að nákvæmlega sömu niðurstöðu. Ég veit hvað prófkjör og kosningar eru fyrir þann sem situr í átakasæti. Ég hef tvisvar sest á þing á síðasta kjörtímabili og séð hvernig unnið var. Þetta freistar mín ekki, það gerir ljósmyndunin hinsvegar.

Þó svo að ég viti að framtíðarmöguleikar heimildaljósmyndara séu e.t.v. ekki bjartir þá nýt ég þess að vera úti í íslenskri náttúru, hvaða veðri sem hún býður mér uppá, finna sjónarhorn, vinna úr þeim og gera úr því heildstæða mynd. Ef einhvern langar að líta á verkin mín þá eru þau hér í myndaalbúminu mínu


Er þingmennska hlutastarf?

Hef oft velt þessu fyrir mér varðandi þingmenn í meira og minna öllum flokkum sem sitja í sveitarstjórnum, eru í námi og margt fleira. Öflugastur er nýkjörinn varaformaður Framsóknar sem síðast þegar ég vissi sat í sveitastjórn Fjallabyggðar (Siglufjarðar og Ólafsfjarðar), stundaði meistaranámí HÍ, var með sjónvarpsþátt á ÍNN og þingmaður. Hef aldrei skilið hvernig hann kemst yfir þetta alltsaman.


mbl.is Lögreglumenn skoða úrsögn úr BSRB
Tilkynna um óviðeigandi tengingu við frétt

Geiri Humm Humm

Aldrei hef ég kynnst annarri eins ákvarðanafælni hjá nokkrum forsætisráðherra og Geir Haarde. Það er alveg ómögulegt að komast áfram með verkstjóra sem ekki tekur af skarið og hefur ekki frumkvæði.

Er það nema von að Ingibjörg Sólrún hafi lagt til nýjan verkstjóra. Frekar en viðurkenna að Jóhanna Sigurðardóttir er öflugri verkstjóri skilar Geir umboði sínu með þá von að geta leitt þjóðstjórn.

Það eru fróðlegir tímar framundan.

 


mbl.is Geir og Ólafur á löngum fundi
Tilkynna um óviðeigandi tengingu við frétt

Kröftugur formaður

Það kom mér ánægjulega á óvart hversu öflug ræða Ingibjargar Sólrúnar Gísladóttur var á fundinum svo skömmu eftir komuna heim. Hún var með sterka sýn á hvert skal halda og markmið. Undir hennar stjórn treysti ég Samfylkingunni fyrir landsstjórninni þar til kosningar fara fram. Það er gríðarlegur styrkur í að hafa formann eins og hana og vonandi styrkist heilsa hennar hratt því handtökin eru mörg framundan.

Kreppan er ekkert að fara og slagorð og upphrópanir hjálpa okkur ekki, það þarf að vinna sig úr þessu ástandi. Hver svo sem mun stjórna landinu á erfitt verk fyrir höndum eftir kosningar.


mbl.is Meiri biðlund á landsbyggðinni
Tilkynna um óviðeigandi tengingu við frétt

Lýðræði

Nú eru kosningar innan skamms og flokkar bjóða sig fram, áreiðanlega fleiri en síðast og þau nýju pólitísku öfl sem hafa verið að myndast í mótmælastöðum munu áreiðanlega vera reiðubúin til verka við endurreisn landsins. Ótrúleg eljusemi og dugnaður þeirra við að koma fram skoðunum sínum nýtist vel á Alþingi og hlakka ég til að sjá þau takast á við verkefnin.

Ég er hinsvegar ekki sannfærð um að þriggja mánaða stjórn sé ákjósanlegur kostur, val á fólki í þá stjórn þyrfti að fara fram af hálfu þeirra sem fólk kaus á þing og falið vald í því fólgið sem ekki er skýrt. Lýðræðið er grundvallarstoð samfélagsins og hana ber að virða þó menn séu ekki alltaf sáttir við niðurstöðuna þá er frelsi til að bjóða sig fram og kjósa það sem gerir það að verkum að ólík sjónarmið og hugmyndafræði hafa jafna möguleika.


mbl.is Fylgi VG mælist rúmlega 32%
Tilkynna um óviðeigandi tengingu við frétt

Miskunnarleysi

Engir hagsmunir virðast ofar í huga Harðar Torfasonar en hans eigin, þvílík vonbrigði að sjá miskunnarleysi forsvarsmanns mótmælanda svo skýr. Hann hefur sífellt hvatt til harðari aðgerða sem leitt hafa til skemmdarverka og ofbeldis þó svo að hann hafi látið sem hann hafi ekkert með það að gera efast maður eftir að hafa lesið þessi orð. Er afsökunarbeiðni nóg?
mbl.is Hænuskref í rétta átt
Tilkynna um óviðeigandi tengingu við frétt

Reykjavíkurkjördæmin hafa talað, hvað segja önnur kjördæmi?

Nú hefur Samfylkingarfélag Reykjavíkur lýst sinni skoðun hvað varðar kosningar. Sú skoðun snertir væntanlega Reykjavíkurkjördæmi suður og norður. Eftir eru hin kjördæmin fjögur. Samfylkingarþingmenn úr Reykjavíkurkjördæmunum eru átta og þá eru eftir kjördæmi sem eiga 10 þingmenn á þingi.

Væntanlega munu önnur kjördæmi halda fundi í kjölfar þessarar ályktunar og fara yfir stöðuna um hvort þau eru sammála flokksmönnum úr Reykjavíkurkjördæmunum. Það er þó eilítið flóknara að halda fundi þar, þar sem flokksmenn í Norðausturkjördæmi eru staðsettir frá Djúpavogi til Siglufjarðar, í Norðvesturkjördæmi frá Akranesi til Sauðárkróks að Vestfjörðum meðtöldum og þá síðast Suðurkjördæmi sem nær frá Höfn í Hornafirði til Suðurnesja.

Fróðlegt verður að sjá hvernig formenn kjördæmisráða Samfylkingarinnar í öðrum kjördæmum munu halda fundi í kjölfarið eða hvort höfuðborgin verður látin ein um að hafa skoðanir á þessu máli.


mbl.is Samþykktu ályktun um stjórnarslit
Tilkynna um óviðeigandi tengingu við frétt

Næsta síða »

Höfundur

Lára Stefánsdóttir
Lára Stefánsdóttir

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband