Alger snilld

Ég veit ekki hvernig Byron Garcia fékk alla fangana í dansinn en það er ekki spurning að þeir hljóta að hafa gaman af þessu þar sem hann hefur gert nokkur myndbönd. Merkilegt að sjá allan þennan fjölda nánast þúsund manns til að taka þátt í dansi undir vel þekktum slögurum. Mæli eindregið með að menn kíki á þetta og svo er spurning hvort þeir taka þetta ekki upp á Litla Hrauni

Filippseyskir fangar vekja lukku á YouTube

Úff, þori ekki að kaupa hana

Þetta er hræðilegt, ég er vön að standa í biðröð þetta kvöld þegar ný Harry Potter bók kemur út,  búin að hlakka til lengi, lesa í gegn alla Potter seríuna og alveg tilbúin í nýja bók. Núna er ég hinsvegar alveg föst í ljósmyndanáminu og ekkert pláss fyrir Potter. Ég er gráti nær.

Það góða er að skólinn er búinn 11. ágúst og það fyrsta sem ég geri þá er að kaupa bók, eða þá að kaupa hana og geyma kápuna nálægt tölvunni sem gulrót því þegar ég er búin fæ ég að lesa.

Biðin á enda

Sakamálaformúla

Það er greinilega margt fleira sem gerist í Formúlunni en hringekja ökumanna á gríðarlegum hraða. Formúlan er sú íþrótt sem ég hef mest gaman af þessa stundina án þess þó að vera öllum hnútum kunnug eða liggja yfir henni öllum stundum. Sérstaklega reyni ég að fylgjast með ræsingum en á til að dotta einhversstaðar í  hringrásinni en kem venjulega til meðvitundar áður en menn koma í mark. Dáist svo af hægverskum og nánast auðmjúkum viðtölum við þrjá efstu og man síðan kannski eftir að horfa á hana næst.

En nú held ég að það fari að verða kominn tími til að gera almennilega sakamálaþætti um þessa íþróttagrein, ekkert um eiginkonurnar eins og í fótboltanum heldur almennilegan glæpaþátt um rán á teikningum, njósnara innan liðsins og svo framvegis. Raunveruleikinn er oft meira ævintýri en skáldskapurinn.

Ferrari fer með mál Coughlan fyrir rétt í London