Eldri kynslóðir utanveltu?

Þegar ég las frétt um notendur Fésbókar á Íslandi staldraði ég við aldursskiptinguna. Á aldrinum 50-59 ára eru 13,2% á Fésbókinni en 3,1% þeirra sem eldri eru en 60 ára. Ólíkt yngri aldurshópum þar sem 95,8% fólks á aldrinum 20-29 ára eru skráðir og 63,5% þeirra sem eru áratug eldri. Hér endurspeglast kynslóðabilið með skýrum hætti í því sem oft er kölluð stafræn gjá sem aðgreinir þá eldri og hina fátækari frá þeim yngri.

Yfirleitt breiða þeir eldri yfir þessa gjá með ákveðnu yfirlæti og tala um þá sem "alltaf eru hangandi í tölvu" eða "fara aldrei neitt". Auðvitað eru síðan einstaklingar sem kæra sig ekkert um tölvur en þeir eru svosem í öllum aldurshópum.

Þetta minnir mig á gjána milli þeirra eldri og yngri þegar ég var í kringum tvítugt. Þá kom gjáin fyrst og fremst fram í því hvaða tónlist menn hlustuðu á. Tónlist hinna yngri var garg, fatnaðurinn druslur, hárið ómögulegt og svo hékk fólk á alskyns grillstöðum og nartaði í franskar kartöflur því okkur var hent út um leið og skammturinn var búinn.

Í dag spjallar fólk á tölvum og flestar ungar konur klæðast svörtu eins og grískar ekkjur. Það verður alltaf kynslóðabil en ef við miðaldra horfum til baka, hverju vildum við sleppa af því sem var óþolandi að mati eldri kynslóða?

Næstum allir á Facebook

Athugasemdir

[Dunni, 9.1.2009 kl. 09:03]

ENGU

Gleðilegt ár Lára. 

[Gullvagninn (IP-tala skráð) 9.1.2009 kl. 09:27]

Sæl Lára, tékkaðu á Njósnir á netinu

[Gullvagninn (IP-tala skráð) 9.1.2009 kl. 09:29]

ps - það er furðulegt hve vel mbl reportar þessa bók, aftur og aftur koma fréttir um hve margir eru í þessu, það talar til kindarinnar, kindin vill vera í hjörð, eru þeir kannski að smala þrælunum inn til að skrá heimsbyggðina?  auðvelda leitina að þessum hettuklæddu?

[Lára Stefánsdóttir, 9.1.2009 kl. 13:40]

Rétt eins og í lífinu sjálfu veit fólk ekki meira um þig á fésbókinni en þú vilt sýna sjálfur. Maður setur ekki annað þangað. Þeir sem að hella þar út leyndarmálum eru að lýsa yfir að ekki sé lengur um leyndarmál að ræða.

[Lára Stefánsdóttir, 9.1.2009 kl. 13:41]

ps. ég las þetta í Fréttablaðinu;-)

[Gullvagninn (IP-tala skráð) 9.1.2009 kl. 14:14]

já, þú meinar ég hef ekkert að fela