Þjóðsöngurinn í símabið

Ég þurfti að hringja í eitt ráðuneytanna í dag og þegar var verið að leita að þeim sem ég vildi tala við ómaði tónlist. Ég horfði ráðvillt út í loftið því eyranu á mér ómaði "Eitt eilífðar smáblóm" og ver að viðurkenna að mér brá. Hvernig gat staðið á þjóðsöngnum í símabið. Í gegnum huga mér leiftraði sú skyndilega hugsun að eitthvað rosalega mikið meira hefði gerst sem ég hefði ekki frétt af. Ég hafði jú ekki lesið fréttir í hálftíma. Orðunum "Guð blessi Ísland" brá fyrir og ég skellti mér inn á fréttasíðu. Ekkert gaf til kynna sem passaði við tónlistina "með titrandi tár" og ég andaði léttar. Þegar ég fékk samband við afgreiðsluna aftur þá spurði ég hvernig í ósköpunum stæði á því að þjóðsöngurinn væri meðal þeirrar tónlistar sem væri spiluð í símsvörun en því var ekki hægt að svara því tónlistin er stillt af í stjórnarráðinu.

Mér þætti vænt um að næst þegar ég bíð eftir sambandi við opinbera stjórnsýslu að heyra eitthvað annað. Ég er ekki sátt við að þjóðsöngurinn sé símabiðtónlist.

Athugasemdir

[Predikarinn - Cacoethes scribendi , 10.10.2008 kl. 16:05]

Ef einhvers staðar er við hæfi að spila þjóðsönginn, þá er það ekki hvað síst í símanum hjá ráðuneytunum. "Brilliant"

[Gísli Baldvinsson (IP-tala skráð) 13.10.2008 kl. 08:34]

Var þetta ekki bara í kirkjumálaráðuneytinu?