Glæsilegt

Héðinsfjörðurinn er fallegur og verður gaman að geta skotist í hann á bifreið án fyrirhafnar. Mestu skiptir þó að þegar göngin eru tilbúin geta íbúar sveitarfélagsins Fjallabyggðar farið á milli hverfa án þeirrar fyrirhafnar sem nú er. Leiðin til Siglufjarðar frá Akureyri er oft löng yfir vetrartímann þegar Lágheiðin er teppt en með Héðinsfjarðargöngunum breytist þetta. Göngin eru gríðarlega mikilvæg samgöngubót fyrir svæðið og hagkvæm eins og áður hefur komið fram enda þess vegna farið út í framkvæmdina.

Hlakka til þegar göngin verða tilbúin;-)

Ekki dónaleg sýn út í Héðinsfjörð

Athugasemdir

[Norðlendingur (IP-tala skráð) 23.3.2008 kl. 03:40]

Er hægt að rökstyðja það að göngin séu hagkvæm?

[Þórhildur Helga Þorleifsdóttir, 23.3.2008 kl. 12:01]

Þessi göng eru örugglega hagkvæm með tilliti til byggðasjónarmiða !!

[Gísli Baldvinsson (IP-tala skráð) 23.3.2008 kl. 14:52]

Hagkvæmisforsendur eru til. Það sem gleðilega gerist að Siglufjörður verður miðja kjördæmisins sbr. það að einn stjórnmálafundur Samfylkingarinnar í kjördæminu verður haldinn á Bíóbarnum á Siglufirði.

[Víðir Benediktsson, 23.3.2008 kl. 22:51]

Hagkvæmni er hægt að mæla í fleiru en krónum og aurum. T.d. betri búsetuskilyrðum og líðan fólks. Ef það er ekki að nást er til einskis unnið. Finnst þetta frábært og held að eftir að framkvæmdum lýkur og landsmenn fara að nota göngin hverfi gagnrýnin. Svo Gísli minn má alltaf deila um  hvort það er til bóta að halda fleiri samfylkingarfundi en nú er gert.

[Lára Stefánsdóttir, 25.3.2008 kl. 14:09]

Göngin voru metin hagkvæm út frá þeim forsendum sem Vegagerðin gaf sér. Menn geta síðan verið með einhverjar aðrar tilfinningar ef þeir vilja.

[Jón Halldór Guðmundsson, 26.3.2008 kl. 00:47]

Vona svo sannarlega að þessi göng verði landslýð til blessunar.

Hér fyrir austan er fjörður sem er búinn að vera í eyði í um 40 ár hvað heilsársbúsetu varðar. Það er Loðmundarfjörður. Hann er næsti fjörður norðan við Seyðisfjörð.

Ég veit að Héðinsfjörður er búinn að vera enn lengur í eyði.

Þegar hugmyndir um lagningu vegar frá Seyðisfirði til Loðmundarfjarðar hafa verið reifaðar,  hafa ýmsir lagst gegn því og bent að að með bættum vegarsamgöngum hverfi kyrrðinn og töfrara Loðmundarjarðar að einhverju leyti.

Ég held að þetta sé rétt.

[Davíð Jóhannsson, 26.3.2008 kl. 13:22]

Ég hef gerst svo frægur að koma í Loðmundarfjörð.

Ótrúlega fallegur staður...