Á brauðfótum við Tjörnina?

Það getur ekki verið þægileg staða að sitja í langþráðum borgarstjórastóli með svo lítið fylgi en ef svona heldur áfram sem horfir þá verður stuðningurinn jafnmikill og sá stuðningur sem borgarstjóri fékk í síðustu sveitarstjórnarkosningum. Fylgi Sjálfstæðisflokksins er rokið út um gluggann og erfitt að sjá hvernig þeir ætla að ná vopnum sínum aftur miðað við vandræðaganginn undanfarið. Allt þetta fólk virðist eiga það sammerkt að eina sem skipti máli sé að sitja sjálfur eða sjálf í borgarstjórastólnum. Stefnumál, samstaða, hvað þá borgarbúar eru algert aukaatriði.

Staðan í Reykjavík segir okkur svart á hvítu að borgarbúar eru ekki til í hvað sem er - og borgarstjórn Reykjavíkur gengur um á brauðfótum við Tjörnina.

Aðeins 9% treysta borgarstjórn

Athugasemdir

[Páll Jóhannesson, 29.2.2008 kl. 21:34]

Lára mín því miður skiptir vilji fólksins ekki nokkru máli milli kosninga, svo þegar kemur að kosningum þá eru allir búnir að gleyma því sem var klúðrað, því miður...

[Lára Stefánsdóttir, 1.3.2008 kl. 00:50]

Það er nú það, sem betur fer eru ekki allir eins.