Einstaklingsframtak

Einstaklingsframtak Ólafs nýtur lítils fylgis innan Frjálslynda flokksins fyrir utan stuðning formannsins. Klofningur Frjálslynda flokksins er greinilegur eftir að afstaða varaborgarfulltrúans og þess sem næst kemur. Nú má ekkert bjáta á hjá Ólafi þá er meirihlutinn í Reykjavík fallinn því varaborgarfulltrúi er kjörinn nákvæmlega á sömu atkvæðunum og aðalborgarfulltrúinn. Því verður nýr meirihluti borgarinnar að passa vel uppá nýja borgarstjórann sinn, gefa honum lýsi og vítamín upp á hvern dag, gæta þess að hann hvílist vel og ekkert komi fyrir hann. Meirihluti sem hvílir á einum og aðeins einum er veikur og lítt starfhæfur þegar varamaðurinn styður ekki málið.

Merkilegt er þó að Reykjavíkurflugvöllur er gerður að aðalmáli sérstaklega í ljósi þess að þar á ekkert að gerast á kjörtímabilinu annað en rannsóknir. Mikið mál um ekki neitt.

 

 

Ingibjörg Sólrún: telur nýjan meirihluta óstarfhæfan

Athugasemdir

[Páll Jóhannesson, 23.1.2008 kl. 13:03]

Pældu í því Lára, að gjörningur Ólafs ,,eina" má líkja við að haldið sé í langferðalag á bíl án þess að hafa varadekk og treysta svo á guð og lukkuna um að ekki hvellspringi á miðri leið. Þetta sýnir enn og aftur að kjörnir borgarfulltrúar Reykjavíkur eru langt frá því að vera starfi sínu vaxnir.

[Lára Stefánsdóttir, 23.1.2008 kl. 22:13]

Enda virðast Sjálfstæðismenn ekki styðja hann hvorki í flugvallarmálinu né heldur varðandi niðurrif Laugavegar 4 og 6. Þetta virðist því allt vera ein fléttan af hálfu Sjálfstæðismanna, líklega lét Ólafur bara plata sig.

[Gísli Baldvinsson (IP-tala skráð) 24.1.2008 kl. 18:25]

Til upprifjunar:

Ólafur F. í Silfrinu 2. des. 07
Hér er slóð á viðtal við Ólaf F. Magnússon í Silfri Egils 2. desember síðastliðinn:

http://http.ruv.straumar.is/static.ruv.is/geyma/olafurf.2007-12-02.wmv

Kristján Þór Júlíusson um nýja meirihlutann í Reykjavík:
http://www.visir.is/article/20080124/FRETTIR01/80124016

Hér er því haldið fram að sjálfstæðismenn hafi lekið upplýsingum um heilbrigðisvottorð

Ólafs F,Magnússonar:

http://eyjan.is/hux/2008/01/22/bjortu-hli%c3%b0arnar/

kv. gb

[Vilborg Traustadóttir, 24.1.2008 kl. 20:36]

Var að vafra og datt inn á heimasíðuna þína. Fallegar myndirnar þínar, þú ert greinilega á réttri braut að læra meira í ljósmyndun. Og gleðilegt ár 2008 :-)

Gamla skólasystirin (á besta aldri) hún Ippa.

P.s. Það verður spennandi að sjá framhaldið í henni Reykjavík, vona auðvitað það besta og treysti fólki til að taka vel á málum. Það þýðir ekkert annað.

[Hallgrímur Óli Helgason, 25.1.2008 kl. 22:23]