Viska "að handan"

Ég verð að dást að snilld Sjálfstæðismanna að sækja fram og fá fólk til að trúa sér þrátt fyrir að það hafi komið skýrt fram í fjölmiðlum um að þeir hafi gert nákvæmlega hið þverstæða. Var ekki einhver smáundirskrift sem Árni Matt og Davíð skutluðu á pappír - alveg gleymt. Lækkaði Davíð ekki vexti nokkrum dögum áður en AGS kom að málum og hækkuðu vextirnir ekki lítið m.v. það sem þeir voru nokkrum dögum fyrr? Það er eins og mig rámi í það.

Tilvísanir um að hitt og þetta sé "til í kerfinu" hefur hingað til reynst haldlaust og hvorki Davíð né embættismenn hafa getað fundið það sem hann segir að sé til. Sumsé þegar starfsævin á ríkisspenanum er búin þá er hægt að öðlast gríðarlegar gáfur "að handan" um allt sem ekki var hægt að ráða við eða átta sig á þegar til þess var tækifæri. Sumsé viskan jókst þegar hægt var að kenna öðrum um en sjálfum sér.

En eins og ég segi, ég þekki Íslendinga illa ef þeir byrja ekki að bugta sig og beygja fyrir orðum þessa manns. Gullfiskaminnið er aðalsmerki þjóðarinnar og kannski þess vegna höfum við alltaf verið svo hamingjusöm;-)

Fyrr en varir verða D og B komnir aftur saman í ríkisstjórn en það er best að hafa varann á, þeir eiga eftir að drepast úr hlátri yfir því hvernig var hægt að spila með fólk.

Gerði ekki kröfu um greiðslu

Athugasemdir

[Guðrún (IP-tala skráð) 14.7.2009 kl. 02:15]

Þar sem þú titlar þig varaþingmann þá veistu væntanlega að seðlabankastjóri getur ekki skuldbundið þjóðina til að greiða eitt né neitt. Eiga embættismenn ekki að framfylgja þeirri stefnu sem þeim er sett líkt og gert var í þessu tilviki af ríkistjórn Samfylkingarinnar og Sjálfstæðisflokksins. Svo held ég að þú ættir að kynna þér betur vaxtaferill áður en þú ferð að blogga.

[Guðrún María Óskarsdóttir., 14.7.2009 kl. 02:38]

Því miður er það höfuðmarkmið Samfylkingar að koma þjóðinni inn í Evrópusambandið án þess að nota lýðræðið, greinilega forsenda í hinum miklu mistökum við það að semja þjóðina á hausinn með því að undirgangast innistæðureikninga einkabanka erlendis.

kv.Guðrún María.

[Iris (IP-tala skráð) 14.7.2009 kl. 04:55]

Góð færsla og hjartanlega sammála Jóni!

[Hafsteinn Viðar Ásgeirsson, 14.7.2009 kl. 07:29]

Tek heilshugar undir með honum Jóni hér á undan. Nema hvað mér fyndist gott próf á þjóðina að fá gerpið í stjórnmál að nýju og sjá hvað gerðist.

[Lára Stefánsdóttir, 14.7.2009 kl. 10:34]

Vúps, ég gleymdi að breyta upplýsingunum eftir síðustu kosningar, takk Guðrún fyrir að benda mér á það. Ég ákvað að klára skólann sem ég var í, í staðinn fyrir að fara í framboð.

Hvað varðar vaxtaferil þá man ég einmitt að þegar Davíð lækkaði vextina þá vissi ég strax að AGS myndi hafa sett fram kröfu um ákveðið vaxtastig. Það gekk eftir. Hann er góður í smjörklípunum pilturinn.