Tómstundaþingmenn - hafa þeir tíma fyrir þjóðina?

Alþingismenn eru í sveitarstjórnum, reka fyrirtæki, stjórna félögum og stunda nám, ótrúlega margir þeirra eru einfaldlega ekki í fullri vinnu sem alþingismenn. Lýðræði er ein grunnstoða samfélagsins og við veljum á kjördag fólk til að vinna fyrir samfélagið allt. Í stað þess að menn vinni af heilum hug fyrir samfélagið eftir kjör halda menn áfram í hinum og þessum störfum hér og þar um samfélagið. Hafa þeir tíma fyrir þjóðina?

Er þingmennska tómstundastarf? Væru bændur t.d. til í að fá tómstundabændum í hendur stjórn landbúnaðar?

Athugasemdir

[Katrín Snæhólm Baldursdóttir, 30.10.2008 kl. 12:43]

Þetta er bara fyrir neðan allar hellur en skýrir kannski hversu lítið þessu fólki verður ágengt og hversu árangurinn er slælega lítill eða enginn. Burt með þetta lið, það ætti að skammast sín en það er nú deginum ljósra að það kann það ekki...þ.e að skammast sín!!! Siðblinda og siðleysi á hæsta stigi.

[Gísli Baldvinsson (IP-tala skráð) 30.10.2008 kl. 12:57]

Er ekki hægt að fá miðlægt um önnur störf þingmanna? væri slíku svarað skriflega á Alþingi?

[Vilborg Traustadóttir, 30.10.2008 kl. 14:41]

Árangurinn er líka eftir því! Ég er hrædd um að fyrirtæki væri fljótt að fara á hausinn með þannig starfslið innan borðs........

[Lára Stefánsdóttir, 30.10.2008 kl. 16:54]

Tja einn þingmaður í mínu kjördæmi er í meistaranámi, í sveitarstjórn og þingmaður. Annar er forseti bæjarstjórnar í mínum heimabæ og á þingi. Spurning að skoða hina...

[Jón Ingi Cæsarsson, 30.10.2008 kl. 17:21]

Bera þeir ekki virðingu fyrir starfi sínu ?

[Kjartan Pétur Sigurðsson, 30.10.2008 kl. 20:24]

Þetta er ótrúleg vanvirðing fyrir þjóðinni. Á sama tíma er verið að hrósa sér yfir elsta þingi í heimi. Sjálfsagt myndu víkingarnir snúa sér við í gröfinni ef þeir vissu hvernig er komið fyrir Alþingi Íslendinga. Þarna ríkir algjört agaleysi þar sem hver höndin er upp á móti annarri í stað þess að þetta fólk væri að vinna saman að framgangi þessara þjóðar.