Grænt á sláttuvélar, rautt á vistvæna bíla...

Skattlagning á eldsneyti skiptir sköpum í rekstri ríkisins en kemur hart niður á borgurunum sérstaklega þegar verð á eldsneyti er jafn hátt og nú er. Ekki má gleyma því að við hér á Íslandi erum að greiða nánast tvöfalt verð á við t.d. Bandaríkjamenn. Á meðan menn einblína á hvernig má flytja inn matvæli í samkeppni við íslenska bændur og vilja afnema tolla þá eru menn skattpíndir með tollum, sköttum og gjöldum á eldsneyti sem er ekki í samkeppni við nokkurn skapaðan hlut.

Hver verðhækkun á olíu skilar þjóðarbúinu auknum tekjum, væri nú ekki ráð að hætta að stinga öllum skattgróðanum af þeim verðhækkunum í vasann og festa gjöldin í ákveðinni krónutölu og binda einungis við neysluna en ekki verð í útlöndum. Íslenska ríkið hefur vart áhuga á því að verð á olíu lækki þegar það hagnast verulega á því að verðið sé hátt.

Lausnin felst ekki í að hafa mismunandi skattlagningar og mismunandi liti á bensíni heldur sanngjarni álagningu ríkisins.

24 metrar af mótmælum

Athugasemdir

[Ásgrímur Hartmannsson, 7.3.2008 kl. 12:57]

Gott fyrir þjóðarbúið, slæmt fyrir þjóðina.  Það er margt svoleiðis.  Svo fær fólk til baka greiðzlur vegna barnabóta, húsaleigubóta og bótabóta, og verður voða ánægt, en fattar ekki að ef skattarnir væru 10-15% lægri þá þyrfti það ekkert á öllum þessum bótum að halda.

En svona er þetta. 

[The Critic, 9.3.2008 kl. 14:14]

Sammála þér, hvernig væri nú að Samfylkingin gerði nú eitthvað í þessu þegar þeir eru loks komnir til valda, þegar þeir voru í stjórnarandstöðu þá lagði Ingibjörg Sólrún fram frumvarp um lækkun skatts á eldsneyti en þegar hún er komin í stjórn þá heyrist ekki í nokkrum manni. Og svona til gamans þá kostar lítrinn af bensíni um 50 - 60 kr í Bandaríkjunum.