Arfavitlaus íslenska

Hvernig er hægt að skilja þetta:

Vísaði hann til skýrslna sem unnar hafa verið um Ísland og hverju þær hafi skilað því þegar menn væru upplýstir um stöðuna þá skilar það sér. 

Þýðing óskast!!!

Forsætisráðherra: Hefur slæm áhrif þegar stíga þarf snöggt á bremsurnar

Athugasemdir

[Tryggvi R. Jónsson (IP-tala skráð) 4.3.2008 kl. 16:57]

Það s.s. skilar sér þegar það skilar sér? Algerlega augljós og sjálfsögð sannindi.

Eða skilar það sér að skila skýrslu sem skilar sér... að lokum?

Nei nú er ég hættur að skilja. 

[Lára Stefánsdóttir, 4.3.2008 kl. 17:01]

Það skilar sér ábyggilega en hvenær og um hvað er ekki alveg ljóst...

[Gísli Baldvinsson (IP-tala skráð) 4.3.2008 kl. 17:14]

Ég er ekki að skilja skilninginn að skilja sér Trigger. Skiliði? Nei annars...blaðamennska Mbl.is er komin ofan í kjallara.

[Tóti (IP-tala skráð) 4.3.2008 kl. 17:16]

Hér er augljóslega átt við að í fyllingu tímans, þegar allir valkostir hafa verið vegnir og metnir, aðstæður taldar hentugar, tímasetningin passar, samstaða hefur náðst um grundvallaratriði málsins, byggt á sterkum grunni þeirra upplýsinga sem þá liggja fyrir, meðal annars í unnum skýrslum og mati færustu fagaðila, þá mun liggja fyrir þeim sem þá verða við völd að meta hvort rétt sé að breyta þeim atriðum sem legið hafa til grundvallar matinu sem þá liggur ljóst fyrir eða hvort eigi heldur að hafa varan á og skoða málið betur.

[Lára Stefánsdóttir, 4.3.2008 kl. 17:20]

Þetta er kristaltær skýring á þessari flóknu setningu ... eða hvað? En ef menn eru upplýstir þurfa þeir þá skýrslur til að skilja hverju þær skila eða eru skýrslurnar upplýsandi til að skilja? Einhverskonar skiljandiskýrslur...

[Fífa sys (IP-tala skráð) 4.3.2008 kl. 17:23]

Þetta er algjör snilld ;-)

[Tóti (IP-tala skráð) 4.3.2008 kl. 17:25]

Skýrslurnar eru augljóslega rauði þráðurinn í gegn um allt lögformlega ákvarðanaferlið, því án þeirra væri ekki hægt, í fyllingu tímans, þegar allir valkostir hafa verið vegnir og metnir, aðstæður taldar hentugar, tímasetningin passar, samstaða hefur náðst um grundvallaratriði málsins, byggt á sterkum grunni þeirra upplýsinga sem þá liggja fyrir, meðal annars í unnum skýrslum og mati færustu fagaðila, að láta liggja fyrir þeim sem þá verða við völd að meta hvort rétt sé að breyta þeim atriðum sem legið hafa til grundvallar matinu sem þá liggur ljóst fyrir eða hvort eigi heldur að hafa varan á og skoða málið betur.

Án skýrslnanna þyrftu menn að notast við tuttugustualdaraðferðafræði og hafa skoðun á málinu, en slíkt stríðir náttúrulega gegn stjórnsýslulögum. 

[Helga (IP-tala skráð) 4.3.2008 kl. 17:25]

Þetta vísar að sjálfsögðu til þess að skil sdkýrdsldna (um Ísland að sjálfsögðu) er það sem þarf. Það skilar sér. Þarf ekki alltaf að vera að gera eitthvað. Það skilar sér ekki.

Best er ef skýssslan (um Ísland) er unnin af:

• erlendum sérfræðingi

eða

• nefnd

Það getur þó verið rangt hjá mér og kannske spurning um að sem flestir fari að skila skýrdsdlum (um Ísland)

[bumba (IP-tala skráð) 4.3.2008 kl. 17:26]

Jeg forstor ekki skilninginn!!!!!!!!!!!!!!!1  Með beztu kveðju.

[Lára Stefánsdóttir, 4.3.2008 kl. 17:29]

Ég held að afraksturinn eða því hverju viðkomandi skýrslur skila þegar búið er að skrifa þær þannig að ef til vill sé hægt að skilja þær enda þá á skiljanlegu máli þá skili þær skiljanlegri þekkingu á auðskiljanlegum hlut. Hvort það fjallar yfirhöfuð um efnahagsástand þjóðarinnar er ég ekki viss um enda skilningurinn ekki jafn augljós á skilningi skýrslunnar eða því hverju hún skilar þegar allt kemur til alls. En efnnahagsástandið er að öllum líkindum afar skiljanlegt en ég er ekkert viss um að skýrslur hjálpi í því sambandi, sérstaklega ekki ef þær eru skrifaðar svona;-)

[Lára Stefánsdóttir, 4.3.2008 kl. 17:31]

Já útlendur sérfræðingur Helga, ekki spurning, skiptir eiginlega ekki nokkru máli frá hvaða landi hann er enda er skilningurinn ekki bundinn við að skilja hvað í skýrslunni stendur heldur að skilja það sem maður á að skilja samkvæmt pólitískri skilningsvitund.

Svo eins og einn sagði, hver datt svona niður úr skilningstrénu???

[Tryggvi R. Jónsson (IP-tala skráð) 4.3.2008 kl. 17:36]

Gæti verið að Geir hafi skrifað línurnar hans Sir Humphrey Appleby í Yes Minister?

[Helga (IP-tala skráð) 4.3.2008 kl. 17:36]

Ég fann sdkýrdsdlu erlenda sérfræðingsins!!

[Helga (IP-tala skráð) 4.3.2008 kl. 17:40]

ohh, má ekki gerea embedd línkur á sgýssluna

[Lára Stefánsdóttir, 4.3.2008 kl. 18:56]

Játs, þetta er augljóslega skýrslan!

[Haraldur Bjarnason, 4.3.2008 kl. 21:23]

Textinn í þessari frétt er einfaldlega klúður frá upphafi til enda. Tek undir með Gísla að blaðamennskan á mbl.is er komin ofan í kjallara! - Þetta er síður en svo eina dæmið um klúður og engu líkara en þeir sem skrifa fréttir á mbl.is séu ekki færir um að skila þeim frá sér á skiljanlegri íslensku.

[Haraldur Bjarnason, 4.3.2008 kl. 21:41]

Mér sýnist núna að búið sé að fjarlægja þessa óskiljanlegu frétt.