Eiga fundir að vera á réttum tíma?

Þetta þykir mér að taka á málum þegar það kostar nánast hálfa millu að mæta of seint á fund. Hvað ætli mikið fjármagn hefði skipt um hendur ef þetta væri svona hér á landi? Við verðum alveg steinhissa þegar fundir byrja á réttum tíma.

Við hjá Samfylkingunni á Akureyri höfum fundartíma milli 20:00 og 22:00 á mánudagskvöldum um bæjarmálin á Akureyri. Þegar við byrjuðum byrjaði fundurinn þó menn væru á dreif um húsið eða ennþá úti á tröppum. Næst voru færri á dreif og enginn úti á tröppum og fljótlega voru allir bara tilbúnir klukkan átta.

Á móti kemur að við hættum alltaf klukkan tíu, alveg sama hvernig stendur á þá er fundurinn búinn. Þetta gerir það að verkum að það er miku auðveldara að skipuleggja tímann sinn. Ég er engin fyrirmynd í þessum efnum enda hundleiðist mér að bíða eftir því að eitthvað byrji og hættir því til að koma þegar ég held að fundurinn muni nú byrja. Kannski maður ætti bara að mæta alltaf á réttum tíma og vera með reikningsheftið með sér og afhenda reikning sambærilegan þessum og sjá hvernig það gengur. Ég yrði allavega alveg rosalega skömmustuleg það er alveg ljóst.

Dýrt spaug að mæta of seint á blaðamannafund

Athugasemdir

[Jón Halldór Guðmundsson, 10.6.2007 kl. 20:27]

Þetta er trúlega formúlan að þróttmeira og árangursríkara félagslífi. Að byrja fundina á auglýstum tíma.

Svo er aðalmálið að ef 15 manns eiga að bíða í eina mínútu eftir einum, sem mætir of seint, er þessi eini að eyða 15 mínútum hjá félögum sínum. óstundvísi er nefnilega tillitsleysi og virðingarleysi. 

[Haukur Nikulásson, 16.6.2007 kl. 22:31]

Tek undir þetta, stundvísi er dyggð.