Draumastaða

Ég er búin að vera með Kristjáni L. Möller á fundi eftir fundi þar sem hann ræðir ævinlega samgöngumál þannig að ég veit að hann hefur gríðarlegan áhuga á málaflokknum og því er þetta draumastaða fyrir hann og reyndar okkur öll í kjördæminu sem þekkjum hans vinnu vel og vitum að þar eru verkin mörg. Hinsvegar eru verkefnin gríðarleg um land allt og ég veit að þeim mun Kristján sinna vel. Í samstarfssamningnum er áhersla á stórátak í samgöngumálum og því greinilegt að það á að leggja áherslu á málaflokkinn sem verður gaman að sjá hvernig tekst til.

Ekki síður verður spennandi að sjá hvernig Kristján fer með fjarskiptamálin sem verða umfangsmikill hluti þar sem samstarfssamningurinn leggur áherslu á störf án staðsetningar og eflingu tenginga í dreifbýli.

Það er mikill munur að Samfylkingin sé nú komin í ríkisstjórn því það verður að viðurkennast að stjórnarandstöðuhlutverkið er lýjandi;-)

Kristján: Fékk draumastarfið

Athugasemdir

[Björn Valur (IP-tala skráð) 23.5.2007 kl. 10:41]

Sæl mágkona og til hamingju með samstarfið við sjálfstæðisflokkinn, draumastöðuna eins og þú segir. Það verður gaman að fylgjast með Kristjáni Möler í ráðuneyti sínu. Ég hef alla trú á að hann geti með mikilli aðstoð látið gott af sér leiða á þeim vettvangi. Hann hefur þegar lýst yfir því hver hans fyrstu verkefni verða eins og sjá má í grein eftir hann á heimasíðu flokksins þar sem segir: ... við eigum að flýta gerð Vaðlaheiðarganga sem mest og hefja framkvæmdir ekki seinna en um næstu áramót eða svo fljótt sem öllum undirbúningi er lokið. Og síðar í sömu grein - Sýnum meiri kraft en núverandi stjórnvöld og ráðumst í gerð Vaðlaheiðarganga strax - (Greini: http://kjordaemi.xs.is/Kjordaemi/Nordausturkjordaemi/Greinar/Lesagrein/1650)
Þetta er hraustlega mælt og óhætt fyrir karlinn að láta hendur standa fram úr ermum á næstu dögum eins og hann örugglega gerir.

KV, BVG

[Anna Ólafsdóttir (anno) (IP-tala skráð) 23.5.2007 kl. 10:57]

Mér líst vel á það sem mér sýnist vera í spilunum með þessari nýju stjórn. Ég sé meiri hreyfingu og breytingar í málum í þessu stjórnarmynstri heldur en ég tel að hefði orðið ef spil hefðu stokkast öðruvísi. Og varðandi Kristján Möller þá hefur hann verið minn helsti skoðanabróðir í umræðu um samgöngumál þannig að ég get ekki annað en fagnað :). Annars fer ég ekki ofan af því að þú ert flottust, það veistu

[Jón Baldur Lorange, 23.5.2007 kl. 23:13]

Ég er sammála þér Lára hvað varðar Kristján L. Möller eðalkrata. Það hefur verið tekið eftir skeleggri baráttu hans fyrir hagsmunum landsbyggðarinnar á síðustu árum og nú er hans tími kominn - eins og Jóhönnu. Ég bind miklar vonir við hann í fjarskiptamálunum enda var Samfylkingin með klárustu stefnuna í þeim málum.

[Gunnlaugur Halldór Halldórsson, 24.5.2007 kl. 00:01]

já er samála þig Lára Kristján er góður í þessu. og gott að sjá samfylkinguna í stjórn

  KV:Gulli Dóri

[Gísli Baldvinsson (IP-tala skráð) 24.5.2007 kl. 10:59]

Sérlega er hnykt á í málefnasamningi ríkisstjórnarflokkana að gera skuli stórátak í samgöngumálum. KLM er stórátakamaður.  Undir hann fjalla einnig fjarskipti svo dauðu punktunum mun fækka (sturlupunktarnir) í GSM kerfinu. Þá er ekki eftir neinu að bíða að bæta þær netleiðir sem löngu var búið að lofa.

Kristján fær mínar hamingjuóskir á þessum degi. Þú líka Lára mín í þínu listanámi.

[Vilborg Traustadóttir, 24.5.2007 kl. 14:51]

Ég er sátt.  Enda er "Sáttastjórnin" komin til valda.  Ég leiði hugann að því þegar ég skoða skíðakeppnismyndirnar af þeim félögum Kristjánum hjá þér hvort þetta hafi gert útslagið með samgönguráðuneytið?  Það að Möllerinn varð á undan í mark!

[Þorsteinn Valur Baldvinsson, 24.5.2007 kl. 18:49]

Að mér setur hroll

Vona að þessi ríkisstjórn hina talandi stétta geri sem minnst, til að lágmarks tjón hljótist af.

Góð ríkisstjórn lætur þegnana í frið.

[Brattur (IP-tala skráð) 25.5.2007 kl. 20:00]

En ,ætlar Krisján Möller á sinni fyrstu viku sem samgönguráðherra að hlaupast undan Vaðlaheiðagöngunum??? Hann lofaði því fyrir kosningar að fara í Vaðlaheiðagöngin strax... ég bara trúi því ekki að hann ætli eitthvað að hummast með það.

[Brattur, 27.5.2007 kl. 20:53]

hvernig kemur þetta út?