Fín mynd hjá Þórhalli

Gaman að fá mynd af sér á kjörstað, sérstaklega í ljósi þess að ég kaus alveg rétt;-)

Þokkaleg kjörsókn í Norðaustur-, Norðvestur- og Suðurkjördæmi

Athugasemdir

[Gunnlaugur Halldórsson (IP-tala skráð) 14.5.2007 kl. 18:52]

flott mynd

[Stefán Friðrik Stefánsson, 15.5.2007 kl. 00:56]

Sæl Lára mín

Hef verið hugsað mikið til þín eftir laugardaginn. Það er mikið á þig lagt, tvær kosninganætur inn og út og í bæði skiptin að horfa á sætið fara svo tæpt. En svona er þetta víst. Vildi bara skrifa þér til að óska þér góðs. Fer aldrei ofan af því að það voru skelfileg mistök að kjósa þig ekki í annað sætið eins og þú baðst um og það var stóra ástæða þess hvernig fór að þú varðst ekki önnur. Leitt fyrir Samfylkinguna, þetta segi ég vegna þess að mér þykir hreinlega vænt um þig og tel að þú hafir átt betra skilið. En svona er þetta. Við hittumst við tækifæri og röbbum saman yfir kaffibolla.

mbk.

[Lára Stefánsdóttir, 15.5.2007 kl. 07:41]

Takk fyrir góð orð í minn garð. Þetta er auðveldara í annað sinn þegar ég sá að ég yrði í þessari hringekju í annað sinn fór ég einfaldlega heim að sofa. Engar upplýsingar eru áreiðanlegar fyrr en síðustu tölur eru komnar sem ég vissi að kæmu ekki fyrr en með morgninum. Merkilegt nokk svaf ég bara vel, vaknaði um sjöleytið eins og venjulega og fékk nett stresskast að sjá mig inni þá svo það var súrt að sjá það hverfa í síðustu tölum. En Höskuldur er afar efnilegur stjórnmálamaður og mun áreiðanlega standa sig vel á Alþingi.

Ég fer hinsvegar í mitt plan B og byrja í American Art University í San Fransisco um miðjan júní í mastersnámi í ljósmyndun sem ég hlakka til. Fékk einmitt svar í síðustu viku að ég hefði verið samþykkt hjá þeim og byrja í fjarnámi. Ég er búin að vera í tölvubransanum á einn eða annan hátt frá 1981 og hlakka til að fást við eitthvað alveg nýtt. Hef verið að skoða sögu ljósmyndunarinnar sem er gríðarlega skemmtileg en einn kúrsinn sem ég byrja í fjallar einmitt um það.

Það hefði verið gaman að fá að spreyta sig á því að vera alþingismaður en þannig fór það nú ekki.

[Þórir Kjartansson, 18.5.2007 kl. 21:26]

,,Fín mynd hjá Þórhalli"

Heyrðu Lára mín. Það er alveg sama hvoru megin þú ert við myndavélina. Útkoman verður alltaf góð mynd.