Lára

7.5.2007 | 23:02

Undarlegur munur

Ég tek undir það með Valgerði að það er erfitt að skilja af hverju Sjálfstæðisflokkurinn þarf ekki að axla ábyrgð á ríkisstjórnarsamstarfinu heldur einungis Framsóknarflokkurinn. En ekkert skal afskrifa, Halldór Ásgrímsson bar sig svona illa fyrir fjórum árum og fylgið seig upp. Framsóknarflokkurinn hefur fleiri líf en kötturinn og gæti blómstrað á kjördag eins og hann hefur oft gert.

	Valgerður: Framsóknarflokkur ekki í ríkisstjórn með svona lítið fylgi
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Lára, þetta er ekkert skrýtið. Hvernig geturðu kosið þinglið þar sem enginn þeirra var nógu góður til að erfa formannsembættið í flokknum? Halldór sýndi þeim lítilsvirðandi vantraust og það hlýtur að skila sér til kjósenda eða hvað? Þess utan hlýtur afrekaskráin, sérstaklega Valgerðar, að vera alveg dásamleg fyrir ykkur sem keppið við þau um kjósendur.

Haukur Nikulásson, 7.5.2007 kl. 23:41

Einsog illa lyktandi korktappi sem flýtur ofan á froðunni!

Auðun Gíslason, 7.5.2007 kl. 23:42

Nóg auglýsa þeir formanninn sinn, það mætti halda að hann sé einn í framboði. Formaðurinn að borða, formaðurinn að synda, formaðurinn að strjúka kollinum á börnum og formaðurinn að tala gáfulega. Hinsvegar var hann ekki valinn af fólkinu í flokknum það er rétt, hann er handvalinn af fyrri formanni og eldri en fráfarandi formaður.

Lára Stefánsdóttir, 7.5.2007 kl. 23:48

Ég mun seink átta mig á því, hversvegna venjulegt alþýðufólk kýs Sjálfstæðisflokkinn. Sennilega er það einn stór missskilningur eins og þeir segja í Spaugstofunni.

Jón Ingi Cæsarsson, 8.5.2007 kl. 08:05

Það vantar ekki nema 1,4 prósentustig upp á að VG og S hafi meira fylgi en stjórnarflokkarnir skv. nýjustu skoðanakönnun. Þetta getur farið á báða bóga - í nóvember og febrúar fengu VG og S hreinan meiri hluta í skoðanakönnun. Ef það gerist á þriggja mánaða fresti og daginn sem við fáum meiri hluta saman næst ber upp á 12. maí ... ja, þá verða breytingar !

Ingólfur Ásgeir Jóhannesson, 9.5.2007 kl. 21:00

Já þá verða breytingar Ingólfur, en hættan er sú að sá ótti sem alið er á um að enginn geti stjórnað nema núverandi flokkar verði það sem ræður atkvæðinu í kjörklefanum.

Lára Stefánsdóttir, 10.5.2007 kl. 11:18