Grunnskólinn ekki fyrir alla

Þessi dómur hæstaréttar gerir skólum og sveitarfélögum hér eftir kleift að meta hvort þeir taka á móti fötluðum nemendum. Spurningin er hver skilgreinir hvaða fötlun og hversu mikil gefur heimild til höfnunar. Sé réttur nemenda ekki fortakslaus eins og kemur fram í dómi hæstaréttar þá geta sveitarfélög og skólar beint nemendum í sérskóla og spurning hvort þá fari efnið að snúast um fjármál eða ekki.

Nú er ekki mér vitanlega sérskóli í Seltjarnarneskaupstað og þar með virðist sveitarfélagið geta vísað nemandanum í annað sveitarfélag en greiðir væntanlega kostnaðinn við það. Þá er spurning hvort það kostar sveitarfélag meira að hafa fatlaðan nemanda í eigin grunnskóla eða borga fyrir hann annarsstaðar. Þar með stjórnar sveitarfélagið eða grunnskólinn búsetu þeirra sem eiga fötluð börn og geta þar af leiðandi séð til þess að fatlaðir einstaklingar séu sendir í burtu úr sveitarfélögum sem lengst eru frá sérskólum.

En niðurstaðan er ljós, grunnskólinn er ekki fyrir alla samkvæmt þessum dómi.

Bærinn gat neitað stúlku um skólavist

Athugasemdir

[Gísli Baldvinsson (IP-tala skráð) 14.12.2007 kl. 13:04]

það eru tveir kostir í stöðunni: 1. Gera sama og Finnar, en þar eru 7% grunnskólanemenda í sérskólum, (sem sagt til baka) 2. eða skylda sveitarfélög af ákveðinni stærð að kosta til sérkennsluúrræða. Þetta hlýtur að vera skoðað á Alþingi varðandi grunnskólafrumvarpið.

[Kristín Eyjólfsdóttir, 14.12.2007 kl. 14:52]

sveitarfélög borga kostnaðinn þegar fatlaðir einstaklingar eru send í sérskóla ég veit það því ég á fatlaða dóttir sem þurfti að sækja skóla í reykjavík í 2 ár og við erum búsett í reykjanesbæ.

[Lára Stefánsdóttir, 14.12.2007 kl. 23:00]

Já Kristín ég bjóst við því. Spurningin sem ég velti frekar fyrir mér hvort á því sé kostnaðarmunur og fátækari sveitarfélög láti það ráða ferðinni.

[Jón Halldór Guðmundsson, 18.12.2007 kl. 23:16]

Ég vona að það sé ekki stemman í þessum dómi að sveitarfélög geti af geðþótta sínum vísað fötluðum eða sjúkum nemendum úr skóla.

Mér skilst að skólastjórnendur og sérfræðingar skólans hafi talið að þessi nemandi fengi betri þjónustu í sérskóla.  Því miður höfðu foreldrarnir aðra skoðun.  Þá er spurningin hvort réttir fagaðilar þurfi ekki að úrskurða í svona málum, fremur en almennir dómstólar.

Það þurfi sem sagt sérhæfða úrskurðarnefnd í málefnum skóla og kennslu.