Vonbrigði

Það voru mikil vonbrigði að hlusta á ræðu Steingríms J. Sigfússonar, þessi gamli baráttujaxl var bitur og sló til allra átta. Ég átti von á kjarnmikilli stjórnarandstöðuræðu en því miður voru lítil sem engin málefni í þessari ræðu, hún var frekar einkasamtal hans við umheiminn, vonbrigði hans og hverju þau voru um að kenna þ.e. öllum öðrum en honum sjálfum.

Katrín Jakobsdóttir aftur á móti hélt einstaklega góða stjórnarandstöðuræðu, hún var málefnaleg, kímin, gagnrýnin og markviss. Varaformaður VG er greinilega afar efnilegur þingmaður sem verður mjög spennandi að fylgjast með að störfum. Hún mun áreiðanlega veita ríkisstjórninni aðhald með sínum beinskeyttu en jafnframt kímnu ræðum.

Guðríður Lilja hélt ágætis ræðu líka en Katrín bar af mönnum VG í dag. Virkilega gaman að sjá því Steingrímur hefur ríkt yfir flokknum sem talsmaður og ræðumaður. Við erum greinilega að sjá breytingar á forystuliði þess flokks og þar munu konur greinilega ráða miklu.

Steingrímur J. Sigfússon: Samfylkingin gafst upp

Athugasemdir

[Hlynur Hallsson, 31.5.2007 kl. 22:23]

Æ, æ Lára. Vont að hlusta á staðreyndir frá Steingrími fyrir suma. En við getum verið sammála um að Kata og Lilja voru frábærar. En hverjir töluðu aftur fyrir Samfó...? Bestu kveðjur,

[Lára Stefánsdóttir, 31.5.2007 kl. 22:27]

Ég vildi svo sannarlega óska þess að þetta væru staðreyndir Hlynur minn en einhver ástæða er fyrir því að hann eyðir stefnuræðu stærsta stjórnarandstöðuflokksins einungis í að sannfæra sjálfan sig og sinn flokk. Enda skiljanlegt, ég er búin að hitta það marga VG menn undanfarið sem eru sárir og reiðir út í formanninn. Ég held þó að hann hefði frekar átt að vera málefnalegur og harður í stjórnarandstöðu, þetta virkaði afar veikt.

[María Kristjánsdóttir, 31.5.2007 kl. 22:48]

Nei mér fannst Steingrímur góður, hann greiddi úr ákveðinni flækju og sýndi fram á hvar Samfylkingin stendur í dag: Höfuðmótvægið við Sjálfstæðisflokkinn komið í eina sæng með honum! Sú ákvörðun væri skiljanleg ef í samfélaginu ríkti algjört upplausnarástand, yfirvofandi árás að utan, - en ekki núna. Það eina jákvæða fyrir utan ræður frábærra þingmanna Vinstri Grænna var að það er ekki eins skelfilegur sjálfumglaður hroki  sem skín af þessari ríkisstjórn  og hinni fyrri - þar ráða auðvitað Ingibjörg og Þórunn nokkru um.

[Jóhannes Ragnarsson, 31.5.2007 kl. 22:49]

Ussuss-suss, ég held að ykkur samfylkingarfólki vær nær að skammast ykkar heldur en að grenja undan Steigrími J. Það er ekki honum að kenna þó að Samfylkingin sé eins hægri sinnuð og raun ber vitni.

Ég geri ráð fyrir að þú hælir málflutningi Katrínar Jakobsdóttur sökum þess hve slappur hann var og flatneskjulegur og kom ekki við kaunin á einu eða neinu; í einu orði sagt:prump. Katrín er ekki efnilegur stjórnmálamaður, fjarri fer því. Til að geta talist efnilegur stjórnmálamaður þarf sá hinn sami að vera pólitískur og hafa pólitískar hugsjónir, þetta tvennt skortir Katrínu alveg.   

[Lára Stefánsdóttir, 31.5.2007 kl. 22:53]

Hmmm það fannst mér ekki, hún var ágæt, það er oft flókið að halda stjórnarandstöðuræður, ég þekki það ágætlega og mér fannst hún koma vel frá því.

Steingrímur má væla í okkur Samfylkingarmönnum eins og hann lystir ef það er honum einhver huggun.

[Lára Stefánsdóttir, 31.5.2007 kl. 22:55]

María, ég vildi að satt væri, Steingrímur drap alla möguleika á stjórn án Sjálfstæðisflokksins daginn eftir kosningar. Ögmundur tók undir það og þá er lítið að gera. Reyndir stjórnmálamenn í VG áttu ekki orð, og ég ekki heldur.

Að sjálfsögðu var þá ekkert annað fyrir okkur að gera því við viljum absolútt komast í stjórn og hafa áhrif. Það eru engin áhrif í stjórnarandstöðu hvað svo sem maður vill meina, ég þekki það af eigin raun.

[Páll Jóhannesson, 31.5.2007 kl. 23:11]

Ég er sammála þér Lára og þegar ég hlustaði á Steingrím J rifjaðist upp máltækið góða ,,glymur hæst í tómri tunnu". Og mikið ofboðslega er ég hamingjusamur yfir því að minn flokkur fór ekki í stjórn með VG það var hrollvekjandi hugsun.......

[Jón Ingi Cæsarsson, 31.5.2007 kl. 23:50]

Ég er búinn að hlusta á glamrið í Steingrími síðan 1982. Hann er jafn fyrirséður í ræðustóli og 78 snúinga plata á handtrekktum grammafóni.

[Jón Halldór Guðmundsson, 2.6.2007 kl. 00:48]

Mér fannst alveg kostulegt að hlusta á hann Steingrím í þessum umræðum.  Núna talaði hann eins og strákur sem er skilinn útundan og er alveg hroðalega sár við Samfylkinguna.  Að þeir skyldu fara í ríkisstjórn án þess að taka hann með.   Af hverju er hann ekki í Samfylkingunni?

Þetta var reiðilestur manns sem var eiginlega viti sínu fjær.

Svo talar hann um að Samfylkingin hafi slegið af sínum málum í þessu samstarfi. Svo sem í Evrópumálum. Þá er það spurningin hvort Samfylkingin hefði fengið sína stefnu ómengaða fram í samstarfi við Vinstri Græna?

Það langar mig að vita!

[Þórir Kjartansson, 3.6.2007 kl. 09:05]

Að mínu áliti eru hvorki Katrín eða Guðfríður Lilja efnilegir stjórnmálamenn. Held reyndar að þær, ásamt Sóleyju Tómasdóttur hafi haft tvö til þrjú þingsæti af flokknum með þessu endalausa  ,,kynfrelsistali" hvað sem það nú þýðir. Vinstri græn ættu að taka Svandísi Svavarsdóttur inn í landsmálin og stefna að því að láta hana taka við flokknum þegar Steingrímur hættir.  Hún er alvöru stjórnmálamaður.