Er þetta ekki ólöglegt???

Samkvæmt forsetabréfi um orðuna segir:

Við andlát þess er orðunni hefur verið sæmdur skulu aðstandendur eða skiptastjóri skila henni aftur til orðuritara. Í útlöndum má fá sendiráðum og ræðismönnum orðurnar til frekari fyrirgreiðslu.

En það stendur svosem hvergi að það megi ekki selja hana, svo það er spurning hvað fólk gerir þegar harðnar á dalnum. Nú greinir menn á um hversu mikilvægt eða merkilegt er að fá þessar orður en þegar fólk þiggur það á annaðborð þá er eðlilegt að það beri virðingu fyrir þeim en sleppi því annars að þiggja þær.

Líklega þarf að gera nýtt forsetabréf þar sem þetta er nákvæmar.

Fálkaorður boðnar til sölu á eBay

Athugasemdir

[Lára Stefánsdóttir, 28.5.2007 kl. 23:34]

Hvaða merkingu hefur forsetabréf þá yfirleitt? Bara sisvona góðar ráðleggingar til orðuhafa?

Hvaða, hvaða þetta er ekkert ómerkilegt fólk sem fær þessa orðu, fyrir utan það að allt fólk er merkilegt hvert á sinn hátt ef út í það er farið. Ég man nú ekki eftir nokkrum í minni ætt sem hefur fengið þessa orðu enda segir um mína ætt að hún sé alla jafna illa gefin og grett ef Eiður Guðmundsson frá Þúfnavöllum hefur rétt fyrir sér, þ.e. vitlaus og ljót. Hinsvegar fékk pabbi orðu hjá pólska forsetanum það er ábyggilega ágæti orða líka, sá hefur líklega ekki frétt af því hvernig ættin er.

[Hlynur Þór Magnússon, 29.5.2007 kl. 04:02]

Óheimilt er að selja eða gefa fálkaorðuna eða afsala henni til þriðja aðila með nokkrum hætti. Það er afdráttarlaust og felst í því ákvæði, að henni skuli skilað aftur í fyllingu tímans.