Lára

31.1.2009 | 09:35

Hvað svo?

Sigmundur Davíðsson hafði greinilega ekki umboð þingflokks fyrir tilboð sitt og þingflokkurinn hefur nú sýnt honum hver ræður. Nú eru þrjár leiðir í stöðunni:

I. Minnihlutastjórn undir stjórn Framsóknarflokksins án þess að hann beri ábyrgð með beinni þátttöku.

II. Framsóknarflokkur og Sjálfstæðisflokkur myndi ríkisstjórn sem fólk myndi e.t.v. sætta sig við ef þeir punta upp "sérfræðinga" í ráðherrastóla.

III. Rjúfa þing og boða til kosninga innan 45 daga.

Áttu menn að treysta tilboði Framsóknar? Var það ekki bara klókt útspil til að fella ríkisstjórnina, tilboð sem þeir ætluðu ekki að standa við?

	Ósætti um aðgerðirnar
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Ekki ertu góð í að lesa stöðuna Lára. Hér eru menn að vinna verkin af nákvæmni. Með því að komast að góðri vel ígrundaðri niðurstöðu þessara þriggja flokka eru mun meiri líkur á að málin fljúgi í gegnum þingið og hægt verði að byrja að rétta af okkar hálfsokkna þjóðfélag.

Ekki nema það sé vilji samfylkingarfólks (eins og þín) að Framsókn setji go á ríkisstjórnarsamstarfið án þess að vera sammála þeim aðferðum sem á að beita? Svo fari einhver skelfingar tími í þinginu við að ræða málin og breyta þeim þar. Nei, þú ert ekki svo skyni skroppin að þú viljir fara þá leiðina.

Snæþór Halldórsson (IP-tala skráð) 31.1.2009 kl. 09:52

Jú, Lára hann hefur umboð þingflokks síns. Horft hlutlaust, hvernig á ábyrgðarmaður skuldabréfs frá VG og Samfó að gera? Athuga hvort þeir sjálfir og/eða VG, Samfó séu borgunarmenn fyrir planinu. En neita því ekki að þeir kunna að ná í kastljós og njóta augnabliksins. En tillögur þínar eru athyglisverðar...that´ll be the day eins og einhver sagði. En styð tillögu nr. III, hefði átt að gerast strax. Og er ekki útilokað að gerist ef ÓRG þrýtur þolinmæði, eins og ég.

Einar Áskelsson (IP-tala skráð) 31.1.2009 kl. 09:58

Þetta er bara eins og formannskjör hans sjálfs. Hætt við þegar "sigurvegarinn" í "fyrri talningu" var kominn í pontu og Sigmundur lýstur réttkjörinn.

Nokkuð sammála útlistun þinni á stöðunni en ef þing verður rofið þarf utanþingsstjórn þar til kosningar hafa farið fram.

Slæm staða og maður missir tiltrú á því flokkakerfi sem ríkir hér.

Vilborg Traustadóttir, 31.1.2009 kl. 12:03

Því miður hef ég ekki góða tilfinningu fyrir þessu samstarfi. Framsóknarflokkurinn hefur í raun " allt í hendi sér " og hann er annar af þeim flokkum sem keyrði þjóðina í kreppu. Mér finnst líka dálítið ósamræmi í orðum þingmanna flokksins og Sigmundar. Það kæmi mér ekki á óvart að "allt færi uppí loft" á þessum "80" dögum.