Miskunnarleysi

Engir hagsmunir virðast ofar í huga Harðar Torfasonar en hans eigin, þvílík vonbrigði að sjá miskunnarleysi forsvarsmanns mótmælanda svo skýr. Hann hefur sífellt hvatt til harðari aðgerða sem leitt hafa til skemmdarverka og ofbeldis þó svo að hann hafi látið sem hann hafi ekkert með það að gera efast maður eftir að hafa lesið þessi orð. Er afsökunarbeiðni nóg?

Hænuskref í rétta átt

Athugasemdir

[Jóhann Ólafur Halldórsson (IP-tala skráð) 23.1.2009 kl. 17:01]

Sæl Lára

Ekkert réttlætir ummæli Harðar Torfasonar í þessari frétt. Munurinn á honum og því óreiðufólki sem kastaði grjóti í höfuð lögreglumannanna í fyrrinót er enginn. Sammála þér að Hörður er maðurinn sem hvatti til hávaðasamra mótmæla, espaði fólk upp og þessi ummæli í dag opinbera hjartalag sem ég hélt að Hörður Torfason byggi ekki yfir. 

kv. - Jóhann Ólafur

[Torfi Kristján Stefánsson, 23.1.2009 kl. 17:04]

Þarna kemur enn einn hægri kratinn út úr skápnum og hittir einungis sjálfa sig fyrir. Hræsnari!

[Jón (IP-tala skráð) 23.1.2009 kl. 17:12]

Stjórnin á að fara frá strax.
Geir er vanhæfur og nú kemur í ljós að hann er veikur.
Veikt og vanhæft fólk á ekki að sitja
í ríkisstjórn.

[Páll A. Þorgeirsson (IP-tala skráð) 23.1.2009 kl. 17:14]

Ekki hef ég heyrt orð Harðar Torfasonar, en það mun ég gera sem fyrst, enda virðast þau all rosaleg. ;-) Það sem þú segir hins vegar um Hörð Torfason er ákaflega "dapurt", svo ég spyr mig að því, hvort fólk er þannig talar, " sé virkilega í góðu jafnvægi "  ;-)

[hs (IP-tala skráð) 23.1.2009 kl. 17:26]

Páll A. Þorgeirsson: Hvernig væri þá að taka 2 mínútur til að lesa fréttina sem þessi blog erum, svona áður en þú talar út úr rassgatinu á þér?

";-)"

[halkatla, 23.1.2009 kl. 17:30]

Mér finnst það vera miskunnarlaust að kynda undir ofsanum í fólki sem tjáir sig um þessa frétt með því að taka þátt. Þau eru upptil hópa stjórnlaus. Ég skammast mín meira í dag en nokkru sinni áður fyrir að vera líka bloggari einsog þessi móðursjúki skríll

Talandi um svartasta innræti, siðleysi á hæsta stigi osfrv?? Við hvað eru þau eiginlega að miða? Mér finnst þetta til algjörrar skammar fyrir þau. Geta þau ekki haft samúð með aumingja manninum (Geir) og fjölskyldunni hans án þess að fara svona að? Þau vita EKKERT um tilfinningar Harðar. Einu tilfinningarnar sem ég hef séð í 90% af bloggum við þessa frétt eru öfund, beiskja og jafnvel hatur siðapostulabloggaranna í hans garð. Ég er hinsvegar engu nær um það hvort þetta fólk hefur einhverjar góðar tilfinningar eða ekki. Stjórnlaus hræsni er ekki tilfinning. Það sem ég veit alveg örugglega er að þetta fólk nýtur þess mjög mikið að kjammsa á því þegar áhrifamiklir menn stíga feilspor (sem hann óneitanlega gerði smávegis af). 

Ég tek fram að ég hef aldrei hlustað á Hörð Torfa og tel hann engan leiðtoga minn í mótmælum, en vá, varla er þetta svo hræðilegur maður að hann eigi þetta brjálæði skilið? 

Íslendingar hafa greinilega ekki þroskann sem þarf í lýðræðislegri umræðu, amk hvorki Hörður né þeir sem skemmta sér núna við að níða hann í svaðið með verstu lýsingarorðum sem hægt er að nota um nokkurn mann (sem þau ætti að spara fyrir fólk sem á þau raunverulega skilið - í alvöru talað). Mér persónulega finnst síðari hópurinn mun verri og miklu miskunnarlausari heldur en nokkru sinni Hörður Torfa...

[Jón (IP-tala skráð) 23.1.2009 kl. 18:14]

Kostnaður þjóðarinnar vegna stjórnar Davíðs Oddsonar og hyski hans er óheyrilega mikill.
Skuld ríkisins er núna varlega áætluð 3000 milljarðar ISK eftir 17 ára stjórn Sjálfstæðisflokksins

3000 milljarðar ISK /(17 ár x 365 dagar) = 484 milljónir ISK á dag.

Niðurstaða:

Hver dagur sem Sjálfstæðisflokkurinn hefur verið við völd síðustu 17 ár hefur kostað almenning hálfan milljarð ISK í beint tap.

Vill einhver halda þessu áfram?
Þarf eitthvað að ræða þetta frekar!?..

[Lára Stefánsdóttir, 23.1.2009 kl. 20:39]

Það er gríðarlegur munur á því að mótmæla, hafa allt aðrar skoðanir á því hvernig á að gera hlutina en að ráðast á ákveðna persónu. Geir Haarde hefur ekki verið einn í Sjálfstæðisflokknum og margir hafa stutt þann flokk með þær áherslur sem hann hefur haft. Menn hafa heimild til mismunandi skoðana, árás á persónu manns sem aukinheldur er veik þykir mér ógeðfelld. Hann hættir að starfa innan viku og þar með þarf gagnrýni á Sjálfstæðisflokkinn og ríkisstjórnina að beinast annað. Það er grundvöllur lýðræðisins að fólk fái að tjá sig og þar með líka þeir sem hafa andstæðar skoðanir við mann sjálfan.

Það er mikil einföldun að kenna ríkisstjórninni um allt sem aflaga fer það er eins og að kenna vegagerðarmönnum um öll umferðarlagabrot.

Hallgrímur Helgason og Steingrímur J. Sigfússon brugðust við þessum tíðindum af meiri mannsbrag sumir hér gera.

[Vilborg Traustadóttir, 23.1.2009 kl. 22:56]

Hvar er verkalýðshreyfingin? Hörður Torfason er að halda utan um mótmæli sem þeir ættu að vera að sinna.

Guðmundur Jaki væri búinn að koma fram núna sem sterkur leiðtogi og fólk myndi hlýða honum.

Þetta súynir hve gersamlega máttlaus öll verkalýðsbarátta er orðin.

Er þetta orð verkalýður annars notað enn þá?

[Kristján Logason, 23.1.2009 kl. 23:41]

Allt réttlætir þessi ummæli harðar, Han spyr upphátt spurningar sem margir þorðu ekki.

hvet þig til að lesa pistil minn um málið.

Það eru fleiri hliðar á þessu máli en ummæli Harðar 

[Lára Stefánsdóttir, 24.1.2009 kl. 01:49]

Nei Kristján, ekkert réttlætir þessi ummæli. Geir Haarde hefur verið andstæðingur minn í pólitík í mörg ár. Mér þótti erfitt eins og mörgum að enginn annar samstarfsflötur var fyrir Samfylkinguna eftir síðustu kosningar þegar Steingrímur J. hafnaði algerlega að vinna með Framsókn. En þó Geir sé ekki samsinna mér í pólitík þá er illmælgi af því tagi sem Hörður viðhafði um veikindi mannsins svo ómannúðleg að engin pólitísk andstaða réttlætir það.

Hvað varðar meinta pólitíska snilli við tímasetninguna í dag þá fellst ég ekki á rök þín að maðurinn hafi tilkynnt að hann væri með krabbamein til að skyggja á heimkomu Ingibjargar. Mér finnst það reyndar svo langsótt að það er með ólíkindum. Maðurinn fær tilkynningu á þriðjudaginn, á þeim tíma er hann búinn að þurfa að gera upp við sig að hætta formennsku, að fara í kosningar, ákveða hvað hann segir við sitt fólk. Hann boðar til fundar á fimmtudegi, tveimur sólarhringum eftir að hann fær niðurstöðuna, kallar til fundar með miðstjórn og þingflokki, tilkynnir sitt mál og fær umboð þeirra til viðræðu við Ingibjörgu Sólrúnu um helgina til að fara yfir hvernig best sé að gera hlutina og fara yfir stöðuna. Á sama tíma er ráðist á hann með eggjakasti og ekki hægt að segja að það hafi verið ládeyða í kringum hann.

Ég hef ekki fengið læknisúrskurð um að ég sé með illkynja æxli en það tæki mig tíma að meðtaka upplýsingarnar og ákveða hvernig ég ætlaði að bregðast við. Þó menn séu algerlega bandillir yfir ástandinu þá eru svona samsæriskenningar einungis til þess að kasta rýrð á þá baráttu sem staðið er í.

[Kristján Logason, 24.1.2009 kl. 12:17]

----
Wrong answer 101

Sem blaðamaður þá setur þú viðmælanda inn í málið og spyrð hann spurningar.
Síðan kveikir þú á upptökutækinu og spyrð hann óræðrar spurningar sem engu máli skiptir í raun nema sem framhald af fyrri spurningu.

Viðmælandi þinn sem nú á traust þitt. Svarar samviskulega.

Ef þú vilt láta viðmælanda líta enn ver út skellir þú í miðri ræðu hans spurningu sem hann átti alls ekki vona á að verða spurður.

Með þessu hefur þú séð til þess að viðmælanda vefst tunga um tönn.

Þegar þetta er klippt og birt er breytt um fyrirsögn.

------------


Þetta eru svo augljós vinnubrögð að ég á ekki til orð.
Það er hafið stríð hér á landi sem aldrei fyrr um orð og tjáningarfrelsi.
Allir þeir sem ekki tjá sig með samskonar orð og setningarskipan og valdstjórnin eru úthrópaðir á torgum með fáránlegum svívirðingum sem menn ættu ekki einu sinn að láta út úr sér í einrúmi.

Stjórnvöld gera allt til þess að fólkið í landinu taki ekki af þeim völdin og landið sem þau telja sig ein eiga og geta ráðstafað

Þetta þarf að stöðva



Við erum þjóðin

Landið er okkar

[Lára Stefánsdóttir, 25.1.2009 kl. 11:37]

Það er hárrétt að ummæli eru oft tekin úr samhengi. Afskaplega gott dæmi eru ummæli Ingibjargar Sólrúnar sem hafa verið túlkuð af mótmælendum sem "þið eruð ekki þjóðin" og þeir sem sáu upptökuna vita nákvæmlega að það sagði hún ekki. En menn eru búnir að ákveða að þannig hafi það vrið og bregðast við því.

Hörður hefur beðist afsökunar, er af því maður að meiri.