Leita í fréttum mbl.is

Öflug ræða Ingibjargar Sólrúnar

Augljóst var á flokksstjórnarfundi í dag að formaður Samfylkingarinnar Ingibjörg Sólrún Gísladóttir er vön að standa við stjórnvölinn og missir ekki fókus þó tímar séu erfiðir. Hún hefur þann undraverða hæfileika að geta horft markvisst á þau verkefni sem þarf að vinna að og lætur ekki úlfaþyt þeyta sér af leið.

Stundum finnst mér eins og menn horfi á þann vanda sem íslenskt samfélag stendur frammi fyrir sem tölvuleik og þeir vilji bara ýta á takka til að komast í næsta borð eða endurræsa leikinn og allt sem þar hafði gerst hverfi snarlega og allt verði eins og fyrr. Sumir telja að það gerist með kosningum, aðrir með því að skipta um fólk og þá á að gerast einhver hókus pókus og ekkert hefur gerst.

Það þarf sterk bein og einarðan vilja til að vinna þau verkefni sem þjóðin þarf á að halda. Hafa yfirsýn yfir fjölmarga málaflokka til þess að taka tillit til fjölþættra verkefna því lífið er ekki svo einfalt að eitthvað eitt hjálpi öllum. Við þá vinnu er mikilvægt að þeir sem vilja berjast fyrir jöfnuði í samfélaginu séu við stjórnvölinn.

Ég veit að með Ingibjörgu Sólrúnu við forystu fyrir liði Samfylkingarinnar í ríkisstjórn verður allt gert til að vinna eins vel úr hlutunum og mögulegt er sem gerir það að verkum að þrátt fyrir að tímar séu erfiðir þá veit ég að það er gott fólk úr liði okkar í Samfylkingunni sem mun gera allt sem mögulegt er í þeirri stöðu sem við erum í.

Það er enginn valkostur í lífinu að gefast upp.


mbl.is Áfallastjórnuninni lokið
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: hilmar  jónsson

Það er engin að tala um að gefast upp. Ingibjörg er búin að fyrirgera því tausti sem hún hafði á meðal fólks. M.a með því að gera ekki kröfur um breytingar í málefnum Seðlabankanns. Í raun ætti sf að setja það sem skilyrði fyrir áframhaldandi stjórnarsamstarfi að Davíð víki. Næg eru tilefnin.

Þessutan er sf ekki samstíga, og greinilegur skoðanaágreiningur er innan flokksins.

Nei, betra að byrja með hreint blað og efna til kosninga..

hilmar jónsson, 23.11.2008 kl. 01:38

2 Smámynd: Lára Stefánsdóttir

Ættum við að gera Davíð það til geðs að hrekja Samfylkinguna úr ríkisstjórn og Sjálfstæðisflokkurinn fari í samstarf með öðrum? Einungis forsætisráðherra getur óskað eftir kosningum. Krafa um breytingu á Seðlabankanum hefur komið skýrt fram af hálfu Samfylkingarinnar. Enda er fullkomlega eðlilegt að breyta starfsháttum opinberra stofnana sem fara með fjármálaumhverfi landsins. 

Það verður ekkert hreint blað eftir kosningar, einungis a.m.k. tveggja mánaða tafir við þá vinnu sem þarf að fara fram og engin trygging fyrir því hvers konar stjórn tekur við völdum.

Þeir sem þekkja til kosninga vita hversu gríðarleg vinna þær eru og kosnaðarsamar fyrir alla sem að þeim koma. Við þurfum einfaldlega á öllu okkar fólki að halda í þau verk sem þarf að vinna. Nú er ekki tíminn til að gefast upp.

Lára Stefánsdóttir, 23.11.2008 kl. 01:47

3 Smámynd: hilmar  jónsson

Ekki sammála. Þetta er ekki spurning um að gera Davíð til geðs eða ekki.

Þetta er grunvallarspurning um hvort við ætlum að úthýsa siðspillingu meðal æðstu ráðamanna eða ekki. Hver segir að Sjálfstæðisflokkurinn verði í aðstöðu til að velja sér leppflokk eftir kosningar. Hann mun fá herfilega útreið í kosningu.

hilmar jónsson, 23.11.2008 kl. 02:00

4 identicon

Mjög góð færsla - ég er líka í Samfylkingunni en á oft erfitt með að fatta hugsunarháttinn en ég skil þetta betur núna.

Það er Sjálfstæðisflokkurinn sem ákveður hvort það verður kosið í vor - þess vegna er vonlaust að gera sér vonir um að það verði kosið í vor.

Þú hittir nefnilega naglan á höfuðið í athugasemdinni. Ef Samfylkingin fer úr ríkisstjórn þá verður mynduð ný ríkisstjórn samstundis með framsókn og mögulega með stuðningi frjálslyndra sem væri hræðilegt fyrir þjóðina.

Þess vegna vill Samfylkingin ekki að það fari fram kosningar og það er eina ástæðan held ég.

En þetta eru hættulegir tímar. það eru tímar þegar hægt að komast upp með pragmatík í pólitík, eins og þegar Samfylkingin lagði af stefnu sina í Evrópumálum og gekki í hjónaband með Sjálfstæðisflokknum og komst bærilega frá þvi. En að halda að það sé hægt að spila sama leikinn áfram þegar allt traust milli þings og þjóðar er horfið er móðgun við kjósendur (eins og Þórunn, Björgvin, Ellert og Steinunn gera sér grein fyrir.)

Mikið var gott að hlusta á ræðu Katrínar Oddsdóttur sá Austurvelli í gær. Hlusta á það sem hún sagði og hvernig hún segir það.

Þráinn Kristinsson (IP-tala skráð) 23.11.2008 kl. 02:45

5 Smámynd: Hólmfríður Bjarnadóttir

Þarna kom loks skýringin sem mig vantaði á ástandinu og það er þetta með tölvuleikina. Fólk sem leikur þá mikið fer að hugsa örðuvísi og í einhverskonar skyndilausnum. Mér finnst stundum eins og kröfurnar nái svo stutt og séu svo vanhugsaðar. Bara að hafa sem hæst, formæla sem flestum og allir burt, það er patentið. Hefði svo gjarnan vilja vera þarna á fundinum en það er ekki á allt kosið

Hólmfríður Bjarnadóttir, 23.11.2008 kl. 02:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Lára Stefánsdóttir
Lára Stefánsdóttir

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband