Leita í fréttum mbl.is

Kosningabaráttuveður

Veðrið í þessari kosningabaráttu hér í Norðausturkjördæmi hefur verið með eindæmum gott. Ég man eftir hverjum sólardeginum á fætur öðrum í kördæminu þar sem náttúran skartar sínu fegursta. Helgin verður greinilega frábær, er að fara á Dalvík og til Ólafsfjarðar sem og að vera hér á Akureyri. Sólin er farin að skína og hlý golan leikur við andlitið.

Nú er bara að vona að við fáum ekki skelfilegt hret í maí eins og í fyrra þegar fuglarnir voru búnir að verpa og lentu í miklum hremmingum.


mbl.is Spáð allt að 20 stiga hita á Norður- og Austurlandi
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Ég spyr eins og ég hef áður spurt í tilefni þess sem Jón Kristófer bendir á: Er ekki hægt að gefa honum Kristjáni eitthvað við þessu? Hann er dálítið að verða eins og „svarti sauðurinn“ í Samfylkingarfjölskyldunni.

Anna Ólafsdóttir (anno) (IP-tala skráð) 29.4.2007 kl. 20:33

2 Smámynd: Lára Stefánsdóttir

Samfylkingin hefur ekki sagt að það verði aldrei byggð stóriðja á Íslandi framar. Við höfum sagt að nú skuli staldrað við og farið yfir málin og í framhaldi af því ákvarðað hvað er gert. Í samræmi við mótvægisaðgerðir sem Húsvíkingar hafa lagt fram sem ekki hefur verið gert áður í tengslum við stóriðju er ekki ólíklegt að álykta að þeir nái markmiði sínu. Síðan er ég þeirrar skoðunar að við ættum öll að huga að mótvægisaðgerðum við okkar eigin losun s.s. bílanotkun, flugferðir og fleira. Það er ekki nægilegt að vera bara á móti losun en vera síðan ekki tilbúinn til mótvægiaðgerða við losun, þar er okkar stóra verkefni á Íslandi í dag.

Lára Stefánsdóttir, 30.4.2007 kl. 09:33

3 Smámynd: Lára Stefánsdóttir

Já gleymdi einu, hvernig leysið þið þetta með ykkar losun Anna og Jón? Ég er með smá skógrækt og þarf að skoða hvort það er nóg og hvernig er best að bregðast við þessu.

Lára Stefánsdóttir, 30.4.2007 kl. 09:34

4 identicon

Það er alveg rétt hjá þér, við þurfum öll svo sannarlega að taka til í okkar eigin ranni til að vinna á móti mengandi losun efna út í andrúmsloftið, og málið er að byrja heima hjá sér.

Mínar áherslur hafa fyrst og fremst verið á tveimur sviðum í umhverfismálum þó að annað þeirra allavega snúist ekki endilega að losun úrgangsefna. Í fyrsta lagi hef ég tekið þátt í að reka umhverfisverndarstefnu gegnum veiðiþjónustufyrirtækið sem fjölskyldan rekur. Sú stefna snýst um að gera veiðiár sjálfbærar með því að vernda þá stofna sem fyrir eru í ánum í stað þess að stunda seiðasleppingar með ófyrirsjáanlegum afleiðingum bara til að geta náð sér í stundargróða. Í öðru lagi hef ég barist alllengi inni í bæjarkerfinu hér á Akureyri gegn gegnum-akstri hundruða þungaflutningabíla á hverjum degi hér í gegnum bæinn sem spúa mengandi efnum í massa vís yfir okkur bæjarbúa auk þess að velda ótrúlegri hávaðamengun.

En það er bæjaryfirvalda að finna leiðina til að minnka mengun af þeirra völdum, það lifa t.d. engin tré í garðinum mínum meðan flutningabílarnir spúa endalaust eiturefnunum yfir þau og ég á ekki ennþá sumarbústaðaland að gróðursetja á  er samt alveg til í að heimsækja þig í sumarbústaðinn og hjálpa til .

Anna Ólafsdóttir (anno) (IP-tala skráð) 30.4.2007 kl. 13:16

5 Smámynd: Lára Stefánsdóttir

Jón Kristófer: Takk, ég þarf að gera betur því ég á bara hálfan hektara og það er ekki nóg. En þá er spurningin hvort ekki sé hægt að draga úr losuninni. Best að skoða það vel.

Anna: Akstur flutningabíla á þjóðvegum eru allt allt of miklir og í gegnum Akureyri liggur einmitt þjóðvegur 1. Ég tel að það mætti minnka þennan flutning með strandsiglingum m.a. til þess að flytja úrganginn frá Akureyri sem á að fara í endurvinnslu. Hann er allur fluttur úr landi og ekkert liggur á að koma honum á áfangastað. Strandsiglingar myndu breyta migklu í því sambandi.

Lára Stefánsdóttir, 30.4.2007 kl. 17:49

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Lára Stefánsdóttir
Lára Stefánsdóttir

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband