Hvað segir ráðherrann Framsóknarráðherrann?

Þegar Vilhjálmur tekur Skógræktarfélag Reykjavíkur á teppið og fær þá til að hætta við kæru sprettur upp Skógrækt ríkisins og kærir. En nú hefur málið skipt um ríkisstjórnarflokk því landbúnaðarráðherra er jú yfir Skógrækt ríkisins og þá er spurning hvernig deilur sjálfstæðismannanna í Kópavogi og í Reykjavík fara þegar Framsóknarráðherrann hefur með deiluna að gera. Hér er kjörið tækifæri til þess að hrekkja samstarfsflokkinn undir ákaflega sakleysislegu yfirbragði.

Tja eða þá að landbúnaðarráðherra er sammála mönnum um að þarna hafi verið farið fram með offorsi og trjáránið í ofanálag sé of langt gengið.

Það verður ekki síður spennandi að fylgjast með þessu máli;-)

Skógrækt ríkisins kærir röskun á skóglendi í Heiðmörk

Athugasemdir

[Vésteinn (IP-tala skráð) 23.2.2007 kl. 00:55]

Það er stjórnmálamanna að setja lög á löggjafarþingi Íslendinga en embættismanna (svo sem skógræktarstjóra) að framfylgja lögum sem stjórnmálamenn hafa sett.

Hefði skógræktarstjóri látið undir höfuð leggjast að kæra þessa augljósu lögleysu og brot á hálfrar aldar gömlum skógræktarlögum, hefði hann verið að bregðast hlutverki sínu.

[Lára Stefánsdóttir, 24.2.2007 kl. 01:45]

Næsti yfirmaður Skógræktarstjóra er Landbúnaðarráðherra, það er ekki svo að yfirmenn stofnana séu án yfirmanna.